दाङको देउखुरीमा पराल बोकेको ट्याक्टरबाट खसेर एक जनाको मृत्यु भएको छ ।
गएराती करिव ९ बजेको समयमा राप्ती गाउँपालिका-५ लठ्ठहवा निवासी अन्दाजी ४० वर्षिय गरिवु चौधरीको ट्याक्टरबाट खसेर मृत्यु भएको जिल्ला प्रहरी कार्यालय दाङले जनाएको छ ।
खेतबाट पराल लोड गरी घर पुर्याएर डोरी खोलेर पराल झार्ने क्रममा चौधरी ट्याक्टरबाट खसेर गम्भीर घाइते हुनुभएको थियो । घाइते चौधरीको सिसहनियाँ स्वास्थ्य चौकीमा उपचारका क्रममा मृत्यु भएको प्रहरीले जनाएको छ ।
प्रकाशित मिति : २०८१ कार्तिक ११ गते आइतवार