दाङको तुलसीपुरमा ट्रकको ठक्करबाट गम्भिर घाइते एक वृद्धाको मृत्यु भएको छ । मृत्यु हुनेमा तुलसीपुर–५ निवासी ७० बर्षीय टेक बहादुर गिरी रहेको इलाका प्रहरी कार्यालय तुलसीपुरका प्रहरी निरीक्षक बिनोदराज खत्रीले जानकारी दिनुभयो ।
प्रहरीका अनुसार तुलसीपुरको बिरेन्द्र चोकबाट बसपार्कतर्फ जादै गरेको लु १ ख ६८९३ नम्बरको ट्रकले विपि चोक नजिकै पैदल हिडिरहेका गिरीलाई आज बिहान पौने १० बजेको समयमा ठक्कर दिएको हो ।
दुर्घटनामा परी गम्भिर घाइते भएका गिरीलाई राप्ती प्रादेशिक अस्पताल तुलसीपुरमा सामान्य उपचारपछि थप उपचारका लागी नेपालगञ्ज नर्सिङ होम रिफर गरिएकोमा उपचारकै क्रममा आज दिउँसो साढे १ बजेको समयमा मृत्यु भएको प्रहरी निरीक्षक खत्रीले बताउनुभयो ।
ठक्कर दिने ट्रकसहित चालक घोराही उपमहानगरपालिका–१४ का ४५ बर्षीय प्रेम बहादुर सुनारलाई नियन्ञणमा लिएर घटनाबारे अनुसन्धान भइरहेको प्रहरीले जनाएको छ ।