लायन्स क्लव अफ दाङले दुर्घटनामा घाइते हरिबहादुर खडकालाई आर्थिक सहयोग गरेको छ । रिपोर्टर्स क्लव तुलसीपुरमा एक कार्यक्रमका विच तुलसीपुर–८ अश्वारा निवासी खडकालाई रु ७ लाख ७५ हजार ३ सय ५४ रुपैयाँ सहयोग गरेको हो ।खड्कालाई लायन्स क्लव अफ दाङ का अध्यक्ष दिपक केसी उपाध्यक्ष भिमप्रकास वली, सचिव दिपक वली, कोषाध्यक्ष प्रकाश भुसाल सदस्य दिपक राज खड्काले चेक तथा नगद रकम हस्तान्तरण गरेका थिए ।
२०७५ सालमा मोटरसाइक दुर्घटनामा घाईते भएका खड्कालाई लायन्स क्लव अफ दाङ का अध्यक्ष दिपक केसी लगायतका पदाधिकारी र युवाहरुले देश विदेशमा रहेका युवाहरु संग आर्थिक संकलन गरि उपचारका लागि आर्थिक सहयोग गरेको पत्रकार सम्मेलनमा जानकारी गराईएको हो ।
खड्काको दाहिने हातको नसा काटिएको र हाल सम्म ३५ लाख उपचारमा खर्च भई सकेको छ । आर्थिक रकम अभाव संगै खड्काले उपचार नपाई रहेको अवस्थामा लायन्स क्लवमा आवद्ध तथा अन्य विदेश र स्वदेशमा रहेका व्यक्तिहरु संग आर्थिक रकम संकलन गरि आर्थिक सहयोग संकलन गरि हस्तान्तरण गरिएको लायन्स क्लवका अध्यक्ष केसीले बताउनुभयो ।
खड्काले काठमाण्डौको व्लुक्रस अस्पतालमा उपचार गराई रहेको र धेरै रकम लाग्ने बताउनुभयो । उहाले आर्थिक रकम अभाव हुँदा आफुलाई उपचार गर्न समस्या भएको बेला लायन्स क्लव अफ दाङ क्यापीटलका अध्यक्ष दिपक केसी लगायतका अन्य व्यक्तिहरुले सहगोग गरेकोमा धन्यवाद दिनुभयो । कार्यक्रमको सहजिकरण रिपोर्टर्स क्लव दाङका अध्यक्ष शरद रेग्मीले गर्नुभएको थियो।