तुलसीपुरमा खाना पकाउने क्रममा आगोले जलेर एक महिला घाइते भएकि छन्। इलाका प्रहरी कार्यालय तुलसीपुरका प्रहरी प्रवक्ता प्रहरी निरीक्षक सुर्य रानाका अनुसार आज शनिबार बिहान तुलसीपुर उपमहानगरपालिका-३, रानागाउँकी ६० वर्षीय गोमा वली आफ्नै घरमा खाना पकाउने क्रममा आगाेले जलेर घाइते भएकि हुन् ।
खाना पकाउने क्रममा वलीले शरीरमा लगाएको कपडामा आगो सल्किएकाे थियाे । आगाेले कम्मर, पेट लगाएतकाे भाग जलेकाे छ । उनको अवस्था मध्यम रहेको प्रहरीले जनाएको छ।
घाइते वलीलाई तत्काल उद्धार गरी राप्ती प्रादेशिक अस्पताल, तुलसीपुरमा उपचारका लागि लगिएको जनाएको छ।
प्रकाशित मिति : २०८१ चैत्र १६ गते शनिवार
