दाङको तुलसीपुरमा बैंक चोरी गर्दै गरेको अबस्थामा एक ब्यक्तीलाई प्रहरीले पक्राउ गरेको छ ।
तुलसीपुर उपमहानगरपालिका वडा नं. ५‘क’लाईनमा रहेको एनएमबी बैंकको शाखामा चोरी गरिरहेको अबस्थामा तुलसीपुर– १८ दुधरास का २७ वर्षका सन्तोष चौधरीलाई पक्राउ गरेकाे प्रहरीले जनाएको छ ।
बैंकको च्यानल गेटको ताला तोडेर भित्र प्रवेश गरिसकेको अबस्थामा उनलाई पक्राउ गरिएको इलाका प्रहरी कार्यालय तुलसीपुरका प्रहरी निरीक्षक विनोदराज खत्रीले जानकारी दिनुभयो ।
उनको साथबाट हतौडा, छिना, प्लास, ह्याक्सा ब्लेड लगायतका चोरी गर्न प्रयोग भएका सामग्रीहरू बरामद गरिएको छ।
उनी सवार रा ५ प ९७९ नम्बरको स्कुटर समेत प्रहरीले नियन्त्रणमा लिएको जनाएको छ। उनलाई पक्राउ गरेर थप अनुसन्धान थालिएको प्रहरीले बताएको छ ।
प्रकाशित मिति : २०८१ माघ १३ गते आइतवार