दाङ घोराहीमा सोमबार राति भएको स्कुटर दुर्घटनामा परि एक युवकको मृत्यु भएको छ । घोराही उपमहानगरपालिका – १६ का ३७ बर्षीय सञ्जिब चौधरीको स्कुटर दुर्घटनामा मृत्यु भएको प्रहरीले जनाएको छ ।
सोमबार राति पौने ११ बजेतिर चौधरी सवार लु.प्र.०२–००१ प ०६९३ नम्बरको स्कुटर अनियन्त्रित भइ नालामा पल्टिएर दुर्घटना भएको जिल्ला प्रहरी कार्यालय घोराहीका प्रहरी निरीक्षक सोम घर्ती मगरले जानकारी दिनुभयो ।
मदन भण्डारी स्कुल नजिकको नालीमा पल्टिएर गम्भीर घाइते भएका चौधरीलाई घोराहीस्थित राप्ती स्वास्थ्य बिज्ञान प्रतिष्ठानमा उपचारका लागि पुर्याए लगतै चिकित्सकले मृत घोषणा गरेका थिए ।
चौधरीको शब पोष्टमार्टमका लागि अस्पतालमा राखिएको छ । दुर्घटना बारे अनुसन्धान भइ रहेको प्रहरीले जनाएको छ ।
प्रकाशित मिति : २०८२ बैशाख २ गते मङ्गलवार
