दाङको तुलसीपुर- ३ शिरखोलामा भएको जिप दुर्घटनामा चालकको मृत्यु भएको छ। तुलसीपुरदेखि रोल्पा गंगादेव गाउँपालिका- १ ओतका लागि छुटेको जिप दुर्घटना हुँदा चालक गंगादेव– १ निवासी अन्दाजी ३२ वर्षीय विष्णु पुनको मृत्यु भएको प्रहरीले जनाएकाे छ।
दुर्घटनामा गम्भीर घाइते भएका उनको तुलसीपुरस्थित राप्ती प्रादेशिक अस्पताल पुर्याएलगत्तै चिकित्सकले मृत घोषणा गरेका थिए। गाडीमा १० जना सवार थिए। तीमध्ये सबै घाइते भएकाे इलाका प्रहरी कार्यालय तुलसीपुरका प्रहरी नायब उपरीक्षक पुष्पराज मल्लले जानकारी दिनुभयो । दुर्घटनामा परी ६ जना गम्भीर घाइते छन्।
गम्भीर घाइतेमध्ये चारजनालाई थप उपचारका लागि बाँकेको कोहलपुर रेफर गरिएको छ। अन्यको प्रादेशिक अस्पताल तुलसीपुरमा उपचार भइरहेको छ।
रा.१ज ५५६ नम्बरको यात्रुवाहक जिप सडकदेखि ६० मिटर तल खसेको थियो। शुक्रबार बिहान साढे १० बजेतिर दुर्घटना भएको हो। तीव्र गतिका कारण दुर्घटना भएको हुन सक्ने प्रहरीले अनुगमान गरेको छ। यो विषयमा थप अनुसन्धान भइरहेको छ।
प्रकाशित मिति : २०८० असार १ गते शुक्रवार