तुलसीपुर उद्योग बाणिज्य संघको अध्यक्षमा बिनिल केसी निर्वाचित हुनु भएकाे छ।
नेपाली काँग्रेसका उम्मेदवार केसीले कुल खसेको मत खसेको २९३८ मध्य १५५० मत प्राप्त गरि निर्वाचित हुनु भएको हाे । बिनिलले गठबन्धनका उम्मेदवार ललितजंग शाहलाई २ सय १० मतान्तर ले पराजित गर्नु भएको हाे । शाहले १३४० मत प्राप्त गर्नुभयाे ।
यस अघि दुई कार्यकाल उपाध्यक्ष पदमा रहेका शाहले काँग्रेसले टिकट नदिएपछि नेकपा एमाले, माओबादी केन्द्रसहित अन्य दलहरु संग चुनाबी तालमेल गरि निर्वाचनमा होमिनुभएकाे हाे । निर्वाचित केसी यसअघि महासचिव पदमा रहनु भएको थियाे ।
नयाँ नेतृत्व चुन्न शनिबार बिहान ८ बजेदेखि साढे ५ बजेसम्म मतदान भएको थियो । शनिबार रातिबाट सुरु भएको मत गणनाको अन्तिम परिणाम सोमबार बिहान मात्रै सार्वजनिक भएको हो । तुलसीपुर उद्योग बाणिज्य संघमा कुल ३४७१ मतदाता थिए ।
प्रकाशित मिति : २०८१ बैशाख ३१ गते सोमवार
