तुलसीपुर खानेपानी उपभोक्ता तथा सरसफाई संस्थाको आगामी नेतृत्वका लागि आज निर्वाचन हुँदैछ । अरनिको मैदानमा बिहान ८ बजेदेखि मतदान शुरु भएको हो ।
निर्वाचन समितिका संयोजक प्रदिप कुमार धितालका अनुसार दिउसाे २ बजेसम्म ४ हजार ३ सय ६८ मत खसेकाे छ । खानेपानी संस्थामा १० हजार ९ सय १९ जना मतदाता रहेको निर्वाचन समितिका संयोजक धितालले बताउनुभयो ।
मतदान बेलुका साढे ४ बजेसम्म हुने तालिका छ । निर्वाचनका लागि उमेदवारलाई भोट दिन मतदाता बिहानैदेखि लाइनमा बसेका छन् । निर्वाचनले तीन वर्षे कार्यकालका लागि नयाँ नेतृत्व चयन गर्नेछ ।
निर्वाचनमा नेपाली कांग्रेसका तर्फबाट अध्यक्षमा यमकान्त भण्डारी, नेकपा एमाले र राष्ट्रिय प्रजातन्त्रबाट मनोज लामिछाने र नेकपा माओवादी केन्द्रसहित सात दलबाट सीताराम शर्मा चुनावी मैदानमा रहनुभएको छ ।
प्रकाशित मिति : २०८१ चैत्र २ गते शनिवार
