जेनजी युवाको आन्दोलनका क्रममा भदौ २४ गते तोडफोड तथा आगजनीबाट क्षतिग्रस्त नेकपा (एमाले) दाङ जिल्ला पार्टी कार्यालयलाई नेता–कार्यकर्ताले सरसफाई गर्दै सुचारु गर्न थालेका छन् । उपाध्यक्ष मनोहर बुढाथोकीको नेतृत्वमा भएको सरसफाई कार्यक्रममा जलाइएका कागजात मिलाउने र कार्यालय पुनर्निर्माण गर्ने तयारी भएको छ ।
लुम्बिनी प्रदेश सचिव लक्ष्मण आचार्यले युवाको माग जायज भए पनि आन्दोलनमा घुसपैठ भएर अराजक गतिविधि बढेको भन्दै खेद व्यक्त गर्नुभयो । विशेष बैठकले सरकारी तथा निजी संरचनामा क्षति पुर्याउनेहरूलाई छानबिन गरी कानुनी कारबाहीमा ल्याउनुपर्ने निर्णय गरेको छ ।
प्रमुख जिल्ला अधिकारी र प्रहरी टोलीले मुजुल्का तयार गरेपछि एमाले कार्यकर्ताले कार्यालय सफा गरेका हुन् । सो अवसरमा झण्डोतलन समेत गरिएको थियो ।
प्रकाशित मिति : २०८२ भाद्र २७ गते शुक्रवार
