दाङ क्षेत्र नम्बर ३ मा सम्पन्न प्रतिनिधिसभा निर्वाचनमा राष्ट्रिय स्वतन्त्र पार्टी (रास्वपा) का उम्मेदवार कमल सुवेदी विजयी हुनुभएको छ। सुवेदीले ४४ हजार २४८ मत प्राप्त गर्दै विजय हासिल गर्नुभएको हो।
निर्वाचनमा कुल ८८ हजार ६१७ मत खसेको थियो। मतगणनाको अन्तिम परिणाम अनुसार घण्टी चिन्हबाट उम्मेदवारी दिनुभएका सुवेदीले सबैभन्दा बढी मत प्राप्त गर्नुभएको छ।
उहाँका निकटतम प्रतिद्वन्द्वी नेपाली कांग्रेसका उम्मेदवारले १६ हजार ४५३ मत प्राप्त गर्नुभएको छ भने नेकपा एमालेका उम्मेदवारले १२ हजार १९५ मत ल्याउनुभएको छ। त्यसैगरी माओवादी केन्द्रका उम्मेदवारले ९ हजार ३२८ मत प्राप्त गर्नुभएको छ।
उल्लेख्य मतान्तरका साथ विजयी भएका सुवेदीले दाङ–३ बाट प्रतिनिधिसभामा प्रतिनिधित्व गर्ने भएका छन्।
प्रकाशित मिति : २०८२ फाल्गुन २३ गते शनिवार
