लैंगिक हिंसा बिरुद्धको १६ दिने अभियानका अबसरमा बिभिन्न कार्यक्रम गरी मनाइने भएको छ । अभियानलाई प्रभाबकारी बनाउनलाई सुगम बस्तीदेखि ग्रामीण क्षेत्रसम्म विभिन्न कार्यक्रम गरिने भएको हो ।
अभियानका क्रममा ओरेक दाङले बिहीबार तुलसीपुरमा पत्रकार सम्मेलन गरेको छ । तुलसीपुर १० को सहयोगमा पत्रकार सम्मेलन गरिएको हो । अभियानलाई सफल पार्न जिल्लामा क्रियासिल तयार नेपाल, बेस, ओरक नेपाल, नगरस्तरिय युबा सञ्जाल, नगरस्तरिय अपांग महिला संजाल, राप्ती बहिरा संघ, किशोरी संजाललगायतका संघ संस्थाको समन्वयमा सचेतनामूलक कार्यक्रम गरिने भएको छ ।
हिंसामुक्त समाज निर्माणका लागि १६ दिने अभियानलाई सफल बनाउन सचेतनमूलक छलफल, सचेतनामूलक पोष्टर प्रदर्शनी, सन्देशमूलक सामग्री प्रकाशन तथा प्रशारण गर्ने कार्यक्रम गरिने ओरेक दाङका संयोजक इश्वरी थापाले जानकारी दिनुभयो ।
जिल्लाका तुलसीपुर, घोराही, दंगीशरण लगायत जिल्लाका सबै स्थानीय सरकारको समन्वयमा कार्यक्रम गरिने संयोजक थापाले जानकारी दिनुभयो । तुलसीपुर १० का कार्यबाहक अध्यक्ष ज्ञानबहादुर खड्काको अध्यक्षतामा भएको पत्रकार सम्मेलनको सहजीकरण वडा सचिब कर्णबहादुर हमालले गर्नुभएको थियो ।