तुलसीपुर उपमहानरपालिका ४ निवासी नरेन्द्र भण्डारी र टिका खड्काले मानव सेवा आश्रममा खाद्यान्न सहयोग गर्नुभएको छ । जुम्ल्याहा छोरा दिव्य र दृष्टि को शुभ जन्मोत्सव पारेर खाद्यान्न सहयोग गर्नुभएको हो ।
आश्रम मा चामल, दाल,नुन, तेल, चीनी, साबुन, सरफ, चिउरा, भुजिया, बिस्कुट र फलफूल लगायत सहयोग गरेको बताउनुभयो । सानो उमेरमा बच्चालाई असहाय व्यक्तिहरूलाई सहयोग गर्नु पर्छ भन्ने भावनाको विकास गर्न आश्रममा सहयोग गरेको भण्डारीले बताउँनुभयो।
फजुल खर्च बचत हुने र अभावमा परेका हरुलाई सहयोग हुने भएकाले जन्म उत्सब आश्रम मा मनाउँदा खुसी लागेको आमा टीका खड्काले बताउनुभयो । केक कटाएर जन्मदिन मनाउन पर्छ भन्दा पनि असहाय, दुखी, गरीब,अनाथ भएको ठाउँमा सहयोग गर्न पाउँदा खुसी लागेको बताउँनुभयो ।
प्रकाशित मिति : २०८० भाद्र १ गते शुक्रवार