दाङकाे घाेराहीस्थित शुभकामना कृषि बहुउद्देश्यीय सहकारी संस्था लिमिटेडकाे आयाेजनामा सरफ बनाउने एक दिने तालिम सम्पन्न भएकाे छ ।
संस्थाका सदस्यहरूलाई लुगा धुने सरफ निर्माण गर्ने एक दिने तालिम आज दाङकाे घाेराहीमा एक कार्यक्रमका बिच सम्पन्न भएकाे हाे ।
संस्थाकाे सदस्यहरूकाे सिप विकासमा टेवा पुर्याउने उद्देश्यले तालिमकाे आयाेजना गरिएकाे हाे । तालिममा २२ जना सहभागी रहेका थिए । तालिमका क्रममा सहभागीहरूले लुगा धुने सरफ समेत निर्माण गरेका थिए ।
कार्यक्रममा सहभागीका तर्फबाट हरिमाया राेका , शेरबहादुर खड्का र रूपती चाैधरीलगायतले तालिम बाट सिकेको कुरा ब्यवहारमा लागू गर्ने बताए ।
संस्थाकाे अध्यक्ष आदिम केसीकाे अध्यक्षता तथा सल्लाहकार कृष्णबहादुर कार्कीकाे प्रमुख आतिथ्यमा सम्पन्न तालिम प्रशिक्षकमा विष्णु थापा रहनु भएको थियाे ।
कार्यक्रमकाे सहजीकरण उपाध्यक्ष विष्णु थापाले गर्नु भएको थियाे।