नेकपा एमाले दंगिशरण गाउँ कमिटिले स्व. उत्तर कुमार वली काे छैठाैँ स्मृति दिवसका अवसरमा श्रद्धाञ्जली सभा तथा जेष्ठ नागरिक सम्मान कार्यक्रम सम्पन्न गरेको छ । गाउँ कमिटीले शनिबार स्व. वलीकाे स्मृतिमा जेष्ठ नागरिकलाई सम्मान गरेको हाे ।
गाउँ कमिटीका अध्यक्ष वसन्त वलिकाे अध्यक्षयता तथा नेकपा एमाले दाङका निवर्तमान अध्यक्ष तथा जिल्ला भुमी समस्या समाधान आयोग दाङका अध्यक्ष हुकुम बस्नेतकाे प्रमसख आतिथ्यतामा कार्यक्रम भएको हाे ।
कार्यक्रममा बाेल्दै प्रमुख अतिथि बस्नेतले उत्तर वली प्रती श्रृृद्दाञ्जली ब्यक्त गर्दै पश्चिम दाङले जित्दाजित्दै हारेकाे अवस्था आएकाे बताउनुभयो । उत्तर वलीकाे देन पश्चिमी जनताका लागि विर्सने नसक्ने गरि छाप बसेकाे भन्दै उहाँले गर्न खाेजेका कामहरुलाई निरतरता दिई शुन्दर पश्चिम दाङ बनाउनुुपर्ने बताउनुभयो । उत्तर वली जस्ताे निडर, साहसि, क्षमतावान नेता जन्मिनुपर्ने बताउनुभयो । पार्टिले नसाेचेकाे क्षति बेहाेर्नु परेकाे भन्दै अब कुरा मात्र नभइ हरेक जनताकाे समस्याकाे कदर गर्दै काम गरेर देखाउनुपर्ने बताउनुभयाे ।
साे अवसरमा नेकपा एमाले दाङका उपाध्यक्ष मनोहर बुढाथोकीले यहाका हरेक एमाले उत्तर वली भएर जन्मिनुपर्ने बताउनुभयो । नेकपा एमालेका हरेक कार्यकर्तामा उत्साह हुनुपर्ने भन्दै पश्चिम क्षेत्रलाई अब नेकपा एमालेले मात्र परिवर्तन गर्न सक्छ भन्ने कुराकाे विश्वास दिन सक्नुपर्ने बताउनुभयो । उहाँले उत्तर वली जस्तै सबैले सामाजिक राजनीति गर्न सिक्नुपर्ने बताउनुभयो ।
साे अवसरमा क्षेत्र न ३ ख उपसंयाेजक एम. एन शाह, पुर्व सांसद धमकली चाैधरी, निवर्तमान गाउँपालिका अध्यक्ष भागिराम चौधरी , २ न वडा अध्यक्ष डम्बर खत्री , जिल्ला सदस्य यशाेदा शर्मा , चक्रमिलन विश्वकर्मा लगाएतले स्व. उत्तर वलीकाे ब्यक्तित्व बारे चर्चा गर्दै उहाँको निधनले पार्टीमा ठुलाे रुपमा वज्रपात परेकाे बताए । पश्चिम दाङ बनाउने उहाकाे सपना स्मरण गर्दै नेकपा एमाले एक ढिक्का भएर लाग्नुपर्ने तर्क गरे ।
उपाध्यक्ष निरज बस्नेतकाे स्वागत मन्तव्यबाट शुरु भएको कार्यक्रमकाे सहजीकरण सह सचीव राजकुमार थापाले गर्नु भएको थियाे ।
