दाङ ३ बाट कांग्रेसका दीपक गिरी निर्वाचित भएका छन् । उनी ३५५७९ मतका साथ निर्वाचित हुँदा निकटतम प्रतिद्वन्द्वी एमालेकी कोमल वलीले २८२६६ मत ल्याएकि छिन् । नेकपा एमालेकी कोमल वली नेपाली कांग्रेसका दीपक गिरीसँग पराजित भएकी हुन् ।
निर्वाचनमा आफूसँग प्रतिस्पर्धा गरेर जित निकालेका गिरीलाई वलीले शुभकामना दिँदै आफूहरुको सपना दाङ समृद्ध बनाउने रहेको भन्दै उनले भनीन् ‘हाम्रो एउटै सपना हो, समृद्ध दाङ बनाउने ।
ओलीले गिरीलाई आफनो तर्फबाट शुभेच्छा , साथ र सहयोग रहने भन्दै थप उत्तरदायी तथा जनताप्रति जवाफदेही हुन पनि अनुरोध गरिन् । ‘अबको पाँच वर्ष तपाईंले केही गलत गर्न खोज्नुभयो भने मैले प्रश्नैप्रश्नबाट तपाईंलाई प्रहार गर्नेछु,’ वलीले भनिन्, ‘त्यसको जवाफ तपाईंले दाङका जनतालाई दिनुपर्छ ।’
यस्तै राष्ट्रिय स्वतन्त्र पार्टीका कमल सुवेदीले १४५७४ मत ल्याए ।
प्रकाशित मिति : २०७९ मङ्सिर ८ गते बिहिवार