अल्पाइन यूनिफर्म एण्ड स्पोर्ट्स हाउसले जेहेन्दार विद्यार्थीलाई पोसाक वितरण गरेको छ। तुलसीपुर १२ मा रहेको पशुपति माबी हरिपौरीमा कक्षा १ देखि ६ मा अध्ययनरत आठ जना छात्र र आठ जना छात्रालाई अल्पाईनको ११ औं बर्षको अवसरमा पोसाक वितरण गरेको हो।
अल्पाईनका प्रोप्राईटर नोबेल डिसीले अल्पाइन यूनिफर्म एण्ड स्पोर्ट्स हाउस संचालनमा आएको ११ बर्ष पुगेको अबसरमा गरिब तथा जेहेन्दार विद्यार्थीलाई पोसाक वितरण गरेको बताउनुभयो । उहाले सरकारी स्कुलहरुमा सबैले सहयोग गरिदिन आग्रह गर्नुभएको छ।
धनी मान्छेका छोराछोरीले पढ्ने प्राईभेट स्कुललाई नभई सामान्य परिवारले पढाउने सरकारी स्कुललाई सहयोग गर्दा आत्मसन्तुष्टि हुने बताउनुभयो। उहाले पच्चीस हजार २५००० रुपैया बराबरको पोसाक सहयोग गर्नुभएको छ। डिसिले पोसाक स्कुलका विब्यस अध्यक्ष खेगेन्द्र अधिकारी र स्कुलका प्रीन्सिपल राधा चौधरीलाई हस्तान्तरण गर्नुभएको थियो।