ब्रह्माकुमारी ईश्वरीय विश्व बिद्यालय एवं राजयोग प्रशिक्षण केन्द्र, नेपाल शाखा श्रीगाउँ दाङको नवनिर्मित सत्कार भवन उद्घाटन गरिएको छ । लुम्बिनी प्रदेशका अर्थमन्त्री म धन बहादुर मास्की र ब्रह्माकुमारीज क्षेत्रीय प्रमुख राजयोगिनी गीता दिदीले संयुक्त रुपमा भवनको उद्घाटन गर्नुभएको हो । आज सोमबार एक कार्यक्रमका बिच भवन उद्घाटन गरिएको हो । उद्घाटन कार्यक्रममा बोल्दै मन्त्री मास्कीले लुम्बीनी प्रदेश सरकारले समग्र क्षेत्रमा सरकारको उपस्थिती र आवश्यक्तालाई बोध गरेको र समग्र यो प्रदेशमा बिकाशका कामहरु अगाडि बढाउने प्रयत्न गरिरहेको बताउनुभयो । यस भवनको बाकि रहेका भोतीक निर्माणका कामहरु सफल पार्न प्रदेश सरकारको तर्फबाट पहल गर्ने प्रतीबद्धता ब्यक्त गर्नुभयोे ।
ब्रह्मकुमारीज क्षेत्रीय प्रमुख राजयोगिनी गीता दिदीको अध्यक्षता तथा अर्थमन्त्री धन बहादुर मास्कीको प्रमुख आतीथ्यता एंव दंगीशरण गाउँपालिकाका अध्यक्ष शम्भु गिरीको बिशिष्ट अतिथ्यतामा कार्यक्रम सम्पन्न भएको हो ।
कार्यक्रममा पालीका उपाध्यक्ष पिमाकुमारी खड्का, निवर्तमान अध्यक्ष भागीराम चौधरी, ६ न वडा अध्यक्ष रोशनजङ शाह , नागरिक समाज दाङका सचिव नारायणप्रसाद श्रेष्ठ, हिन्दु बिद्यापिठका संस्थापक डा. भोला योगी, नेपाली कांग्रेस तुलसीपुर नगर सभापति सुरेश हमाल, वडा न. ७ न निवर्तमान वडाध्यक्ष बिरु वली, जग्गादाता डोलराज योगी, ब्रह्माकुमारीज मधुवन आद्यात्मिक पुनर्जागरण केन्द्र घोराहीका अध्यक्ष यज्ञ बहादुर भण्डारी लगाएतले बोल्नु भएको थियो ।
सो अवसरमा जग्गादाता एवं सहयोगी ब्यक्ती र संस्थालाई दोसल्ला ओढाएर साथै सम्मान पत्रद्वारा सम्म्मान गरिएको थियो । कार्यक्रममा स्थानीय, विभिन्न संघ संस्था एवं ब्रह्माकुमारी दाङ जिल्लाका सेवाकेन्द्रका सदस्यहरुको उपस्थिति रहेको थियो ।
स्थानीय केन्द्र संचालिका ब्रम्हकुमारी सावित्री गौतमको स्वागत मन्तब्य बाट शुरु भएको कार्यक्रमको शहजीकरण सस्ंथाका सचिव राजयोगी शिवलाल महतराले गर्नुभएको थियो ।सो अवसरमा विभिन्न सांस्कृति नृत्य प्रश्तुत गरिएको थियो ।
