दाङको बबई गाउँपालिका ६ मा रहेको चिसापानी मन्दिर परिसर सरसफाइ गरिएको छ। इलाका प्रहरी कार्यालय खिलततपुरका प्रहरी प्रमुख प्रहरी निरिक्षक अजय जंग थापाको नेतृत्वमा खटिएको प्रहरीको टोलीले मन्दिर परिसर सरसफाइ गरेको हो ।
महा शिवरात्रीको अवसरमा चिसापानी मन्दिर परिसरमा श्रदालु भक्तजनको घुईचो लाग्ने गर्छ। मन्दिरमा आउने भक्तजनको सहजताको लागि सरसफाइ गरिएको प्रहरी प्रमुख थापाले जानकारी दिनुभयाे ।
सरसफाई कार्यक्रमकै अवसरमा प्रहरीका तर्फबाट मन्दिरका पुजारीका लागि १ थान गन्जि समेत प्रदान गरिएको छ। प्रहरी प्रमुख थापाले मन्दिर ब्यबस्थापन समितिका अध्यक्ष टेक बहादुर बुढाथोकीलाई हस्तान्तरण गर्नुभएको हाे ।
प्रकाशित मिति : २०८० फाल्गुन २४ गते बिहिवार