पर्यावरणीय दिगो विकास एवं अनुसन्धान केन्द्रको आयोजनामा १७औँ अन्तर्राष्ट्रिय गिद्ध संरक्षण सचेतना दिवसको अवसरमा मावि स्तरीय वक्तृत्वकला प्रतियोगिता सम्पन्न भएको छ ।
प्रतियोगितामा “पर्यावरण संरक्षणमा गिद्धको महत्त्व” विषयमा विद्यार्थीहरूले आफ्ना विचार प्रस्तुत गरेका थिए ।
वक्तृत्व प्रतियोगितामा सृजना मावि, बिजैरीका देबिका बखरी प्रथम, बाल अमृत, दुधरासका दामोदर आचार्य द्वितीय र लक्ष्मी मावि, हेमन्तपुरकी समीक्षा खड्का तृतीय भए ।
प्रतियोगिता केन्द्रका अध्यक्ष डिल्लीबहादुर रावतको अध्यक्षता तथा तुलसीपुर उपमहानगरपालिका–१६ का अध्यक्ष शिवानन्द डाँगीकाे प्रमुख अतिथ्यतामा कार्यक्रम सम्पन्न भएको हाे ।
वरिष्ठ वन अधिकृत रामज्ञा प्रसाद शाह,वडा न. १८ का सदस्य शीतल बुढा लगाएतका बक्ताहरुले गिद्धलाई ‘प्राकृतिक सरसफाइकर्ता’ मानिने भएकाले यसलाई संरक्षण गर्नु मानव स्वास्थ्य, जैविक विविधता र पर्यावरणीय सन्तुलनका लागि महत्वपूर्ण रहेको कुरामा जोड दिएका थिए ।
